ailean@obantimes.co.uk
‘S GANN A CHREIDEAS mi gum bheil bliadhna air a dhol seachad bho bha mi a’ cur bheannachdan Bliadhn’ Ùire thugaibh agus a’ guidhe slàinte, sìth, agus soirbheachadh dhuibh ann an 2016! Tha mi ’n dòchas gun deach taghadh den sin a bhuileachadh oirbh ach aig an aon àm tha mi a’ creidsinn gun robh cuid de dh’amasan nach do chrìochnaich mar a mhiannaicheadh sibh. Sin an saoghal, ach bu mhath gum biodh adhbhar air choreigin againn uile cuimhneachadh le toileachas air a’ bhliadhna seo. Aig an aon àm tha e glè nàdarra a bhith a’ coimhead air adhart ri Bliadhn’ Ùr le misneachd, agus nuair a smaoinicheas sinn air dè dh’iarramaid ann an 2017 tha mi a’ creidsinn gur iad slàinte, sìth, agus soirbheachadh na rùintean a bhiodh aig a’ mhòr-chuid againn a-rithist! Chan eil càil ceàrr air sin, agus nach bu mhath gun tachradh a leithid!